وانت التعرف ابّعدك كتلني * وانت ابهجرك الزيدت ونّي *
وآني اتمسكت بيك وشريتك * وآني شلت الك روحي او نطيتك *
وآني ابعشرتك صادق وفيتك * وآني ابغالي ماعندي فديتك *
وانت امنل بدايه راغب اتبيع * وانت مايهمّك آنه لو اضيع *
وانت الكَتلي ابيعك ماكو ترجيع * وانت بسبب غدرك خايف اتذيع *
وآني احجي بصراحه واحكم اعليك * وآني اعتبر غدرك ثوب العليك *
وآني اتمرضت من قسوة البيك * وآني ابدمع تالي وضحك تاليك *
وانت امنل بدايه امخطط اتعوف * وانت التجرح اوماتقبل اتروف *
وانت ابلا نقط خليت الحروف * وانت الهجر طبعك صار معروف *
وآني الي اخسرت صحتي اوكياني * وآني الي اكبرت من غير أوآني *
وآني الي رعيته مارعاني * وآني الملك كَلبي شو جفاني *
وانت الي طلبته ابقصد ثاني * وانت المارهملك انت وآني *
وانت اسرع شخص شفته نساني * وانت الجفا مَيعطلك ثواني *
ـــــــــــــــــــــــــــــــــــــــــــــــــــــــــــــــــــــــــــــــ
باسم الوائلي //وأأسف مرة اخرى على الكلمات ودي لكم اعزائي
انت نسيت من تحتاجني تلقاني تحت الطلب##وانت نسيت أساهر الليل لجلك وانا بالتعب##ونسيت صورتك الصوغتها بالذهب##وخليتك بالعين اجمل هدب##
ردحذفاعطيتك كل وقتي ورفعتك بأعلى الرتب##يلي محبتك بس باللسان مبوسط القلب
ردت منك ذكرى قلت نسيت ولله العجب##الحبيب ماينسى محبوبه حتىلو علته مثل اللهب##
تحكم الناس علي بنارمثل الحطب##وتقول للناس مظلوم وانت صدام بالرعب##تهددني بالهجركل وقت بليا ذنب .##تنكرت لي وبدلتني بالعجل بوقت الغضب##
آه يلعفتني ميت وبرصاصك منضرب##وماألتذلابالزادولا بالشرب##
ودموع عيني مثل المطرتنسكب##ولومتت بعلتي معروف منهوالسبب##
الله وياك روح بعد مايفيد العتب##