ولوني

زماني اوشامتي ابّعدك ولونــــي *

وكَالولي ثَمِر لحمـك ولو نــــــي *

شاحب وجهي من عدهم ولونــي *

طِعن من ظيمهم جي عم علــيــه *
ــــــــــــــــــــــــــــــــــــــــــــــــــــ
باسم الوائلي&

وعنّي

جروحي من تعارفنه وعني *
وعمرك منشدت بيه وعني *
نمت عالثقه ودكَاتك وعني *
كَالن كَوم مامنه رجيه **
ــــــــــــــــــــــــــــــــــــــــــ
باسم الوائلي&

ونصار

اناشد عنك ابكل حين ونصار .؟
الفرح بجفاك فجأه انكَلب ونصار ..
عكَبك ماردت كل ربع ونصار ..
بس ردتك ترد يهواي اليه ....

..باسم الوائلي&

فال

فال الله اصِل وصلك وفالي ..
لان مثلك فلا واحد وفالي ..
صرت عراف من بعدك وفالي ..
وحيّرت التخت والرمل بيه ..
ــــــــــــــــــــــــــــــــــــــــــــــــ

باسم الوائلي&

ابو ذية

سلام الحلم طيفك تاج علراس **

وليالي البيها بعدك تاج علراس **

إذا انت امنريدك تاجِ علراس **

على ظهري اجي لو صِحت اليه **

***    ***    ***    ***    ***

باسم الوائلي ~~~~

تراهن

تكسَب شي طبيعي من تراهن ** 

ونفس اخلاقي هنّه من تراهن ** 

ابوصالك والله ارها من تراهن ** 

ورهاوه البيك هم هيبه اليه **

بشارة

اذا تقصد دعائي عد إمامي (ع) ** 

يامحلى البشارة عد امامي ** 

ومن واحد الخمسه عد امامي ** 

تلكَاني زحف جايب هديه **

حرف الفاء

حرف الفاء انت في وفائي **

 زامط وابقى راهن في وفائي **

 إذا دوّرت تلكَه في وفا إي ** 

لجن ربع الوفا الموجود بيه **

وكر الذيب

اكَضّي عمري اودك وإكرهنته **

وثمن حبك ابروحي وكرهنته  **

اكشفت ذيب الخيانه وكرهنته  **

واضل اوفي وترد غدرك عليه**

باسم الوائلي///

اللسان

احذر من لسانك لاتمنبيه **

واحفظ حسن خُلقك لاتمنبيه **

ولله سوي زينك لاتمنبيه * 

وخلي اجرك على رب البريه **