انت الضوه

اريد أبني شعر وأغزل بالحروف ..
 واسوي بيت دافي من خيالي ..

وانت الوحدك التسكن ابهالبيت ..
واضوكَك كل حناني اوكل دلالي ..

وانسجلك بساط ابكلمة اهواك ..
ومن شوقي اوغرامي عرش عالي ..

واكَعدك عالعرش وإيحيطك البوح ..
 اشما تنظر حروف الحب تلالي ..

آني ادري غرامي البيك بإفراط !!
وحسبتك انت بدري بالليالي ..

وياشمسي ابنهاري اوكل الايام ..
 صرتلي انت الضوه وانت خيالي ..

لاتحسبني ابالغ والله معذور ..
لان ماكو مُحب مثلك وفالي ..
ــــــــــــــــــــــــــــــــــــــــــــــــــــــــــــــــــــــــــــــ
باسم الوائلي&