وحلو ذاك اللقاء العانه مُر اسنين * ومكَيوله الظفر من حصة اليصبر **
تسألني انتلاكَه اشوكت يالمحبوب * عجَب نفسه سؤالك بالفكر يفتر !!
لا .. وارجف بعد لمن افكر بيك * والحيره ابلقائك اعتقد تكثر **
لان من يوم اشوفك تدمع العين * دمعه الجيتك والدمعه تتغيّر **
لو مر عالفكر هم تمشي عني اتروح * إذا غيّبك ظرفك والبعد أسفر **
وانت ابين اديه تركض الساعات * وآني ادري الوكت كلما حلو ايمر مر **
يومي اوياك راح ايكون بالساعات * والساعات باللحظات تتبخر **
ياعطر الحنان اويا معاني الطيب * يعطر البيك حتى امنالعطر أعطر **
اكيد ابيوم اشوفك ابقه دايخ بيك * واتمايز جمالك ياغصن أخضر **
من عيني اخاف الحسد والله اعليك * وارتّل بالفلق والناس عن الشر **
مو آنه اسمعت مايحسدون المال * إلا اصحابه يعني من عيوني احذر **
احذر واوج حرمل لاتصيبك عين * لان انت اليشوفك بالهوه يعثر **
واكيد اثنينّه أذانه بجي الشوك * واكيد انشوف خط فوك الوجن احمر **
ما خلّي لقائي بيك بالختلات * كَدام البشر بيك امشي بيك افخر **
وما اريدن ستر يحجبنا عن الناس * لان ستر الضمير امنل ستر استر **باسم الوائلي&
ليست هناك تعليقات:
إرسال تعليق
ضع بصمتك .. ساكون سعيدا بان تشاركني الرأي :