العليلة

لسان حال العليله (فاطمه بنت الامام الحسين (ع) )
ــــــــــــــــــــــــــــــــــــــــــــــــــــــــــــــــــ

الضعن من شال ظليت انا اوحيده *

اوبقت هالعين تشبح على البيده *

لمن بعد والينا * صحت انفكَد والينا*

من عكَب ما شال الضعن * عشت ابمحن * وآلآم *

ظليت عيني اعلى الدرب * ظل القلب * محتام *

قلبي ابجفاهم إنرعب * آ وانشعب * بسهام *

وإنظرت ماظلّي ابو * ولا ظل اخو * ولاعمام *

ظليت أنه جي لني عليله * وزاد المرض ليله بعد ليله *

راح الضمد والينا * صحت انفكَد والينا *

وايست من شالوا هلي * ومحد إلي * بهالدار *

وارجعت وحدي الحجرتي * عكَب اخوتي * والصار *

والريح اشتد او صعد * هز المهد * وإندار *

واذكرت صوته لمن يناغيني * وعن علتي عبد الله يشفيني *

انهز المهد والينا * صحت انفكَد والينا *

واصرخت صرخة فاجعه * ومتروعه *وبدموع *

ورد الصدى اعليه يرن * عيشي ابحزن * وابروع *

مايسمع الحادي سره * صوتج تره * المرفوع *

مَنتي عليله اوصرختج * مو جوده الج * بس لوع *

وابقي ابأمل بلجنهم ايعودون * الصار اوجرى بيج اهلج ايعلمون *

ناديت اشد والينا * صحت انفكَد والينا

وعالدرب عيني اموزعه * اوشيرجعه * الي راح *

علتي اولا كل العلل * لو بالجبل * ينزاح *

ولو بالنجم جان انكسر * ومن وحده خر * اوطاح *

ولو تدنه اليه ساعتي * ومن دنيتي * ارتاح *

ومن ونتي جم فاكَده ماونت * وامي الحنينه ليّه شو ماحنت *

قلبي انمرد والينا * صحت انفكَد والينا *

ــــــــــــــــــــــــــــــــــــــــــــــــــــــــ
باسم الوائلي // نسألكم الدعاء

http://www.youtube.com/watch?v=SzzlYySiDBM&feature=share