حسبات البعد ماحسّبتهن

جنيت اعليك آنه ابكلمت افراك . ولا راعيت كلماتك عفتهن*
صحيح آنه اعترف واقسيت وياك . وادري ادموعك آنه النزلتهن *
تدري ابفركَتك ماضلت اموع . إبّجي ليلات هجرك نشفتهن *
السبب مو بيك بيه السبب يفلان . وحسبات البعد ماحسّبتهن *
يصارحني ابمحبته اوهو خجلان . اوشفت كلماته تجري ادموع منهن *
اسكتت انه او عجز عل رد الالسان . وطارن علفكر كلماتي كلهن *
شريد احجي اوشجاوب حارت الروح . وكلمات العشك صرت املهن *
تعال اسمع جوابي وكَلبي شيكَول . دموع العين لأجلك كَمت اهلهن *
واذا دكَيت لمن يمر طرواك . دكَات العشك شخصك زدتهن *
وتكَلي انت اسمعتني واجمدت ليش ؟ لان طيبات حجيك فاركتهن *
وتفاجئني بغرامك من بعدما . دمعات العيون الوشلتهن *
لَجَن كَلبك كبير او عقلك اكبير . وتسامحني المشاعر لو دستهن * وتسامحني المشاعر لو دستهن .

ب/ا/س/م/الوائلي