عيد وحبايب

انت العيد اليه وشنهو من عيد !! يافتوى التجيبه والكَف اهلالك **
اكَضّي عمري اعيّد ليل ونهار ** ثق بس الغشيم ايعوفك الحالك **

الرد من صديقي : حسن سعدي السلامي 
 مو مثل باقي الناس بالعيد اهنيك   //  صدكني اهني العيد لمن يمر بيك

باسم الوائلي : 
اتهني بيه العيد ياحسن لو جاك ؟ .... ماحسبه صدّك عيد عيد البلياك *

الرد من صديقي : حسن سعدي السلامي 

 بالكوه اكولن عيد ما مقتنع بيه//الما يجمع الاحباب موعيد اسمي

باسم الوائلي : 

سميته عيد العيد جي عيدتني * بس خلص عندي العيد من فراكتني

الرد من صديقي : حسن سعدي السلامي  
راح اقترح موضوع من عندي جبته //اكدر اشيل العيد ونحطك انت


باسم الوائلي :
اقبل تشيل العيد واتحطني آني * بس اعلن الهالناس انت ابمكاني 

الرد من صديقي : حسن سعدي السلامي 
 راح اقبل اني العيد بس انت الهلال///وتدري بلا الهلال مو عيد ينكال

باسم الوائلي :  

عيد الله الاكبر ليش ؟ مولازم اهلال * بالحج تراه ايصير مرويه الاقوال 

الرد من صديقي : حسن سعدي السلامي 

اني ادري بالرسام بالفرشة واللوان///بس انت بالكلمات والحرف فنان

باسم الوائلي :

يا فن اويا كلمات يا حسن ذّني ؟ حرفك ابحد السيف ساعه وكتلني

صح تدري بالرسام بس فرشه والوان **بس انت بالموضات صرت ارقى فنان