الفنان المتألق باسم الوائلــــــــي

سوق في الشام في العصر العباسي

من أعمالي الزيتية

مسلسل ابو الطيب المتنبى الحلقة 5

المرأة : حياة

من أعمالي لسنة 2014

ألم

من أعمالي الزيتية بالسكين

الشاعر باسم حسين الوائلي في قصيدته مجنون بمحبتي

{خليني بس صاحبك}

ياليل هونك علي بيّه الجرح  موسهل ..
دمعاتي عالخد جرت مودمع من دم تهل ..
والساني جلّ الحجي من الهضم منشجل ..
تدري الكبت عالالم يمرد كَلوب ويسل .. 

ياليل اخذ حالتي تعرضها الك دمعتي .. 
كاتبها الك عالنسم واتفرفط بلوعتي .. 
ياليل لاتنزعج لو وصلتك شكوتي .. 
مو ادري لونك ستر ويفضحه ضي جمرتي .. 

وتـقراها كل الخلك اسرار اهل العشك .. 
ذوله الشكولك جفه ذولاك ناموا شبك .. 
ياليل خاف انكشف كل الجذب والصدك .. 
واللوم يرجع علي وبناري اظل احترك ..

تدري الملامه ملح فوك الجرح من تمر ..
خليني بس صاحبك وبصحبتك مستمر ..
لايك عليه السهر ودي الصبح مايطر ..
لوبيدي نجمه صرت واختفي وياك الفجر ..

ــــــــــــــــــــــــــــــــــــــــــــــــــــــــــــــــــ
باسم الوائلي& ليتها تروق لكم أحبتي

منك عرفت الطيب واتعمقت بيه ..
من طبعي ارد الزين بالزين اجازيه ..
********************
ماقصرت في يوم دومك تبادر ..
ولو غبت عن العين بكَليبي حاضر ..

الكاتب والشاعر باسم حسين الوائلي في قصيدته ........فيروز الدمع

ماء و ورد

دمعة إنتظار

المرأة:كفاح مستمر

احباط ثم أمل

يصعب التفكير بنسيان مَن تَمَلَّك أفكارك , وعلَّمك
الوصآل , ثم غآبَ عنك فجأة ..!!

فتظل تبحث عنه بين أكاذيب الأحلآم وأضغاثها , وأوهام المواقف
وخذلآنها , فتصل الى يقين الإحباط ولكن ...

أُرمق ذلك الأفق بنظرة أمل ...
وبقلب يبتسم , فستجد الزهرة التي تحتاج الى دمعك
ليسقيها بعد الضمأ .. لتفوح بعطرها عليك من جديد ..!
لتستمر أنت بروحك التى نَفَضَت تراب الوأد للتو .

باسم الوائلي&

أميرة الجبال {منقوله بريشتي}

انت جذر الطيب

انت اصل الطيب منّه تاخذ الوادم درس **

انت إحساس اومشاعر وانت في غيرك تحس **

طلّتك تجلي الهموم وتبعد  الغم والنَحِس **

رغم  ما انت تعاني وابهمومك منغمس **

تهتم ، اتعالج مشاكل ، ناسك او من كل جِنس **

اودوم محضر خير تحضر ياوفي اوطيّب نفس **

شَرد اوصفك ؟انت جذر الطِيب ماضيّه اوأمس **

بيش انعتك ؟ يامضارع بيك زينك منغرس **

وانت مستقبل تنوّر كل صبح مثل الشمس **

**************************
باسم الوائلي&

تسكن بروحي

انا بكَلبك ياحبيبي مو بعيد ..
لاتصدك يحجبك عني مكان ..
 
آنه في كَلبك تره لو بالوريد ..
لاتثق ابتعد عنك في زمان ..
 
هذا آني وانت نفس الشي اكيد ..
تسكن ابروحي والك بيها كيان ..
 
يعني شوكَك ماهو عن شوكَي جديد ..
وتدري نار الشوك ما إلها اوآن ..
 
تحرك اتعذب او تحكم بالحديد ..
رغم ماتشجرها أغصان الحنان ..
 
بيني وبينك بعد والحب يزيد ..
يعني نار البعد صارتلي جنان ..
 
كلمه منك روحي يملأها الرعيد ..
وتارةً كلمه تعيّشني ابأمان ..
 
آه ياولفي اوغرامي انت الوحيد ..
سيسبان ومحله ظل السيسبان ..
ــــــــــــــــــــــــــــــــــــــــــــــــــ
باسم الوائلي&

اضحك اترجّاك

اترك آلآمك وإلي خليها ..
شيل احزانك عليه ارميها ..

هاحبيبي سولف اشعندك هموم ؟
ها يكَلبي إحجي ما عوفوك تكَوم ..
تدري من تحزن تكَوطر هالغيوم ؟

واشعر ابدنياي مدري اشبيها ..
شيل احزانك عليه ارميها ..

ذني دمعاتك انشفهن بديه ..
وآخذ الهضمات من عندك هديه ..
انت ماتدري اشكثر تعني إليه !

انت عيني ونور اليضوِّيها ..
شيل احزانك عليه ارميها ..

آني من طبعي احسّن بالغريب ..
شلون واعيونك اكَبالي يالحبيب ؟
والله اقراهن وهذا مو عجيب ..

واعرف اهمومك اشلون امحيها ..
شيل احزانك عليه ارميها ..

العشره ماتنفع اذا ماكو شعور ..
وانت ساكت فكرك ادري اشبي يدور ..
بحزنك احزن وافرح إن صابك سرور ..

هاذي روحي بروحك امسدّيها ..
شيل احزانك عليه ارميها ..

اضحك اترجاك خل امري يسير ..
تدري بسماتك يخلَّني اطير ..
وبيهن اشتم احلى نسمات العبير ..

وانت بيدك دنيتي تزهيها ..
شيل احزانك عليه ارميها ..
~~~~~~~~~~~~~~~~~
باسم الوائلي&ليتها تروق لكم أعزائي

جمر سهمك جواني

هذاك الحيّرك يمكن يوافيك ..
دِحاول ردله بلكي إيحل مكاني ..

هلبت يكَدر ابطبعه يجاريك ..
وللي ماجنيته يجوز جاني ..

أحب الخير إلك حقق امانيك ..
عمري اوياك ماصيرن اناني ..

انت تلموني وإتمن اثاريك ..
توكَف ضدي صاير وي زماني ..

روح ال أي شخص سوي الي يرضيك ..
المهم ترتاح ماريدك تعاني ..

انا طبعي المشاعر واعرف اشبيك ..
واليجفل اعرفه !! والهواني ..

خليني اعلى بالك وارد اوصيك ..
اذا فكرت تجرح حطني آني ..

لأن مسكينه ناسك امنت بيك ..
ماتدري جمر سهمك جواني ..

انا الرامي جنت واتكلَّف ارميك ..
تالي الجزه نبلك شو رماني ..
.................
باسم الوائلي&أرق التحايا لكم

تجرح انت

منو انت حتى تحجي اوياي كل هذا الكلام؟
انت كَلبك تكسي صاير لليركبه اوللينام *

انت لو عندك مشاعر صادقه او تعرف تحب ؟
جان ماخليت كَلبك ملطشه للهب ودب *
جان تمشي ابدرب واحد مو الف درب او درب *

شو دعوف المرهفات وعوف جذبك بالهيام *
انت كَلبك تكسي صاير لليركبه اوللينام *

هذا حبك واقعك هذا وتزيّف كل صحيح *
تجرح انت الناس كلها وتدّعي انك جريح *
انت كلمن رافقك يترك متاهاتك ذبيح *

مايهمك غير نفسك خلّي غيرك بإنعدام !
انت كَلبك تكسي صاير لليركبه اوللينام *
~~~~~~~~~~~~~~~~~~~~
باسم الوائلي&عذرا" لمشاعركم اعزائي

هذا حالي وياك

دوس واسحك واغلط ابحقي بعد *
لايهمك حتى لو جبدي انمرد *

اني اعرفك انت شدّه امنالشدد *
وادري تزمط امس واتصبح بدد *

صبلي حنضل وإسكب الغيري الشهد *
وجه ابطعنك إليه اوللأبد *

هذا حالي اوياك والمدمع شهد *
دومك اتعد العذابي اقسى العدد *

ثق وحق (الواحه)وبقصر الأمد *
ماحسبتك تنقض ابسرعه العهد *

وتنعت الحبك وصادق بالوعد *
بهاي كلماتك البشعه ابلا سند ؟!

كافي بطل لاتسولف بالسعد *
انت كلك هضم واهموم ونكد *
~~~~~~~~~~~~~~~~
باسم الوائلي&ليتها تروق لكم

ولوني

زماني اوشامتي ابّعدك ولونــــي *

وكَالولي ثَمِر لحمـك ولو نــــــي *

شاحب وجهي من عدهم ولونــي *

طِعن من ظيمهم جي عم علــيــه *
ــــــــــــــــــــــــــــــــــــــــــــــــــــ
باسم الوائلي&

وعنّي

جروحي من تعارفنه وعني *
وعمرك منشدت بيه وعني *
نمت عالثقه ودكَاتك وعني *
كَالن كَوم مامنه رجيه **
ــــــــــــــــــــــــــــــــــــــــــ
باسم الوائلي&

ونصار

اناشد عنك ابكل حين ونصار .؟
الفرح بجفاك فجأه انكَلب ونصار ..
عكَبك ماردت كل ربع ونصار ..
بس ردتك ترد يهواي اليه ....

..باسم الوائلي&

اليعاشر زين بالمعروف

فكرت ابخلاصي منك ابيوم ..
لكَيت المسأله موهينه صعبه ..

حياتي اوياك مثل البير يفلان ..
ولاشفت ابظلامه!! النور ميطبه ..

وحتى لو رضيت ابقى وعشت بي ..
اي غير ايحصل بي ماي وانشربه ؟

هاذي دنيتي وياك ظلمه اوضيم ..
دشعر بيه مره الخاطر الكعبه ..

كلامك جارح انت وقاسي وياي ..
مثل الآر بي جي حتى بي هبّه ..

اي غير اليعاشر زين بالمعروف ..
ويشوف الوفه منه يجي ايحبه ..

واذا حَبه يراعي احساسه يرأف بي ..
واذا اذنب يغض النظر عن ذنبه ..

وآنه ابلاذنب حكمك تراويع !!
وتتلذذ عذابي وتشعر ابرغبه ..
ــــــــــــــــــــــــــــــــــــــــــ
باسم الوائلي&

فال

فال الله اصِل وصلك وفالي ..
لان مثلك فلا واحد وفالي ..
صرت عراف من بعدك وفالي ..
وحيّرت التخت والرمل بيه ..
ــــــــــــــــــــــــــــــــــــــــــــــــ

باسم الوائلي&