{ روح اختار غيري }

تتلذَّذ اذيتي اوحِرت تختـار * جنّك كَاعــد اكَبالك أنـاتيك **

وايعجبك عذابي ابكل وكت صار * مَيعجبك كلامي اشمااحاجيك **

شفت انت محب بالغصب يختار ؟ اذا شاء القدر سلِّم أياديك **

ماجبرك عليّه وماني جبّار * اذا كلبك الغيري صُبح هاديك **

تِمدحه انت إليه اشلون ماغار ؟ نار اشعلت بيه الله اليجازيك **

لاريب ابفلان او فايف استار !! وعن باسم اوزينه حظّه عاميك **

فضلته عليّه او اججت نار * بيها احركَت روحي اوصفت ذاريك **

{روح اختار غيري}واسكن ابدار * ويادار الغدر ؟ جا هذا تاليك ؟

جدرانه شكوك اوسقفه منهار * وبأشباح الخيانه الخوف ماليك **

ظنيتك نسايم وانت إعصار !!! وإعصارك كَضاني اوصرت أناديك **

ولف وين المحنّه ودمعك اعبار ؟ او وين الماابيعك والله شاريك ؟؟؟

بحر حبك تبخَّر ظلت أحجار * ورمال إعصارك أحجارك اثاريك **

ــــــــــــــــــــــــــــــــــــــــــــــــــــــــــــــ
باسم الوائلي ;;;;;;;;ليتها تروق لكم احبتي