لقاء الاخوة

علوي حيدري لحبيبي باسم:
الرسم فن وانت كل معانيه
اجي واتعلم منك معنا الكلام
هاالجلسه انا بروحي افديه
ياباسم انت اخ ولا في الاحلام
.................


باسم الليثاوي 
مش قادر اسمع كلمتك واتجاهل احروفك /
 ياخوفي لو شفت الهجر واقطعت معروفك /
 لكن وفائك معدنك والطيب بوصوفك /
حبي الك يابو علي رغم اني ماشوفك /


علوي حيدري عيوني باسم
من دخولي الفيس انتظر منشورك
اعلق بسرعه لتعرف اني موجود
ادقق على كل حرف من حروفك
واقول يارب اكون عندك موجود


باسم الليثاوي 
موجود في قلبي فلا تتعب اصابيعك / 
واعرف وجودك ع الهواء واقرأ مواضيعك /


علوي حيدري 
الحمد لله على هاالنعمه باهتمامك//
 فرحتي مايقدرها غير رب الكون // 
اني صرت موجود بقلبك واهتمامك // 
خلاص مابقلي شيء بعد حب المصون //

الى كل العاشقين

انا اجحد الهزيمة في العشق .... ولم ولن يقنعني أي دليل .. واتجاهل ما يسمى ب الكرامة بين العشاق .. هي حرقة وفراق .وبعد واشتياق . وهجر وتلاق . الذل فيمابينهم معنى العز .. والكرامة عندهم تسريحة شعر بمشطٍ اسنانه الانامل . من ب،ا،س،م .....الـــــــــــــى كل العاشقين .

يَ أمي

يلي نميتي في وسط قلبي وسكنتيه *

حبك عرفت آنه اولو واجهلت تاليه*

حبي اسميكي وادلعك كي تحبيه*

نار العشق في قلبيي الك صارت تكويه*

انت بعيده والدمع جف من العيون*

ماتعقلي حبي الك لك آنه مجنون *

اشتاق الى حضنك يَ امي شوق ميهون *

ياغاليه وياعاليه اعليكي مَ يعلون *

********************************
سلامي لكل أم //ب،ا،س،م/

وداع

أسفي لبعدك .. 
فالوداااااع صعب ..
.... 
ولم انسى وقع أقدامك 

وقت الرحيل !!! .
 ب ا س م &&& 

وجعل بينكم موده ورحمه

كتب لي صديقي الحبيب حسن سعدي السلامي لي يقول : 

عوفـــة المايريدك لاتــلح وياه..

لـــوشيصير منك لو اعـــز ناسك..

ظـل امشي أعلة طــولك حتى لو لاكاك..

جنــــك ماتشوفة ولاتطخ راسـك

فرددت عليه موضحا : 

ماهم ياحسن راسي بقى مرفوع &

بس اعزاز تدري اشلون اجهلهم &


 اغمض ناظر ي وابحجة النعسان  &


بس اكليبي اويلي شاف واندلهم &


اترك ياحسن لتكشّف المضموم & 


اتحمل جفا وابقى آنه عاذرهم & 




صح السانك تاج راسي حسن

خوش صحبة!!

الناس حسدوني اعلى ربعي وربعي هجروا بالعجل &
                                                                
وجزت المعاتب اوياهم بطلت وايقنت ماكو  أمــــل &
                                                                
جنت حاسب خوش صحبة تالي بائت بالفــــشـــــل &
                                                                
واحد ابنكرانه صدني تالي شـو خلا لو زعــــــــــل &
                                                                
وآنه ساااامع من تســــوي زيـــن يــنرد با لــمــثــل &
                                                                
وهـــــذا بس نكرااااااان منّه ابلا غلـــط مني انعمــل &

ب ا س م الوائلي//
                                                               

صوره

صوره 2012

{ المحطة الثالثة }

للحياة محطات نقف عندها . . . فمن تلك المحطات اناس نلتقي بهم كالأعياد !! كل فترة . . ومنهم كهلال كل شهر . . . واناس كالــ أوكسجيـن نستنشقهم كل لحظة ! . //ب ا س م الوائلي//

{ صفّر الحكم }

لحظة سيدتي . . . لعبتكي قد إنتهت ! وإنتهى حتى الوقت الإضافي .. .. .. وقد صفَّر ال. . .حكم . . .///ب ا س م الوائلي

{ الى من علمني }

ماجازيك & لو في عمري كله افديك & ماجازيك &&
                                                                  
ماوافيك & لو ماي العيون اسقيك &   ماااوافيك   &&
                                                                  
انت ابطيبتك نادر * 
                        
وابغزو الفكر شاطر *
                        
واضح انت مو ماكر *
                         
واسلوبك حلو وماهر *
                          
اشكر فيك & اقضّي عمري امدح فيك & اشكر فيك &&
                                                                    
ماوافيك & لو ماي العيون اسقيك &   ماوافيك      &&
********************

ب ا س م الوائلي

وكر الذيب

اكَضّي عمري اودك وإكرهنته **

وثمن حبك ابروحي وكرهنته  **

اكشفت ذيب الخيانه وكرهنته  **

واضل اوفي وترد غدرك عليه**

باسم الوائلي///

{ ارحميني كَلتلج }

قصيدتي لكم احبتي (ارحميني كَلتلج )
ْْ ْْْ ْْْ

احبّن غيرج انت اشجاي تحجين ؟

مو تدرين كَلبي مايشيل اثنين *

كَلبي امنل زغر انتي الملكتيه *

وبسمج صبح طابو وزين تدرين *

عجيب اليخطر ابالج هالأيام *

عَجَب طغيان لو جن المجانين *

اذا طغيان اهدي اوذكري الله *

واذا مجنونه اقره اعليج ياسين *

ولج حجيج ابد مو حجي عقَال *

لاعرف اليقبله اولا يقبله الدين *

كلبي صار ملكج وانتي ملّاج *

واسمج سره ابدمي بالشرايين *

ودمي مارضه بعروكَي يمشي *

إلا انت بعروكَي كَبله تمشين *

شضم اعليج هالمكشوف امامج *

وعرفتيني ابعشرتج هاي الي سنين *

وفي وما انكر ابطبعج توافين *

اوتجرمين ابمحبتي لو تنكرين *

حال الظيم حالي واهمل الروح *

لو فد يوم من عندي تضوجين *

اضل انهاري حاير تايه البال *

واكضّي الليل اون وَن المساكين *

ولج ما استحق منج قسااااوه *

واذا وكتي قسه هم انت تقسين ؟

ارحميني كَلتلج هيني وياي *

مو ذلَه.. احبج من ترحمين *

مو ذلّه اليحب لو خضع لهواه *

تره الذلّه تصير اويالبعيدين *

ثقي الدنيا ابد متدوم للدوم *

ضيوف احنا عليها وهسه ماشين *

اشوف العِزّه من اتواضع اوياج *

وهيبه الهيبتي لو دِمعت العين *

واريدن منج اتشيلين ال اظنون *

واهم منهن ثقه بيه تخلين *

اكَربي مني اكَربي وعيفي الاوهام *

مو تدرين اموتن من تبعدين *

ْْ ْْْ ْْْ
/ب/و/ اتمنى ان ترتقي الى مستوى ذوقكم الراقي

هيهات يحسين من حبك نمل * هيهات هيهات عن دربك نزل **

نصرخ ابصرخه ضجّت الكون ~ يانور العيون ~ يارمز العدل **

/ب/و/

تريث

لاتبحث عمن ابديت اليه الود في السابق ،..
 بل انتظر قليلا" فهذا مقياس لمعرفة وده اليك .
/ب/ق/

تنافر ولقاء

اذا تفرق الشمل ربما يلم بدعاء او بسعي ، ..


لكن اذا تنافرت القلوب فمن الصعب التكهن بتجاذبها مرة أخرى . 
/ب/ق/

في ميلاد العباس ع

من قصيدتي بمناسبة مولد الامام العباس (ع)

ْْْْْْْْْْْْْْْْْْْْْْْْْْْْْْْ~~~~~~ْْْ~~

كَمر يعباس ساطع ابنوره ْْ

مجموعه هالناس بيك مسروره ْْ

مجموعه علحب والامل اكَلوب معموره ْْْ
ْْ ْْْ ْْْ

يابالفضل جود ْْ بميلادك اردود ْْ وانعم اعلينه ْْ

هذا احلى ميلاد ْْ واعلينه ينعاد ْْ هلاله مر بينه ْْ

يابدر البدور ْْ من وجهك النور ْْ عم ضواحينه ْْ

حار الشعر بيك ْْ قررت اسميك ْْ سر قوافينه ْْ

يابالفضل بيك الشعر ترتوي ابحوره ْْْ

مجموعه علحب والامل اكَلوب معموره ْْْ

تساؤل

ابحث عنك . . . وأسأل عنك المكان الذي كنت تجلس فيه ، جعلني الألم أحلم !!

وصرت أكلم نفسي . . . أنا أسأل ؟ واجيب نفسي عنك ! ، مابال هذا الجماد أصم ؟؟

متى ينطق ،
وبي يرفق ، متى ؟؟؟

صورة

صورة

اللسان

احذر من لسانك لاتمنبيه **

واحفظ حسن خُلقك لاتمنبيه **

ولله سوي زينك لاتمنبيه * 

وخلي اجرك على رب البريه **

صباح الورد والياسمين

لمّن طر فجر ربي * هوايه صبحوا كَلبي *

بس من صبحت انت * أحس انزاح كل تعبي *

خنجر كلامك

قصيدتي احبتي { خنجر كلامك }
ــــــــــــــــــــــــــ

قرارك صعب تمنعني احاجيك ْْ

ماظنيت كَلبك قاسي يفلان ْْ

شي عادي النقاش يشد الاعصاب ْْ

لجن مو صح يفرّق بين الاخوان ْْ

تعرف من كَلت انسحب هالحين؟ ْْ

احس خنجر كلامك صابني اوخان ْْ

اذا هينه عليك او ذبّتك هاي ْْ

ماتهتم الغيرك كان مَن كان ْْ

ماكَتلي امنل اول حتى اسلاك ْْ

على كَلبي كلامك ابد ماهان ْْ

ماسئت آنه الك عاشرتك ابطيب ْْ

وهل جازيت احساني بالاحسان؟ ْْ

شو جازيتني ابكافي احاجيك!!ْْْْْْْْْْ ْْ

لا هذا جرح مو زلّت السان ْْ

وخليها اعلى بالك ما ارد ليك ْْ

لأن عندي كرامه وآني انسان ْْ

( حذاري إتحن )

لكم احبتي مقطع من قصيدتي 

~~~~~~~~~~~~~~~~~~~~~~~~~~~~~~~~~
اخذ ثارك هسه مني ْ.... يلا أقبل تصد عنّي ْ**

موعجيبه اليعترف عنده غلط ْْ
بإعترافه عل الحروف ايحط نقط ْْ

لارجاء ولاتمنّي ْ.... يلا أقبل تصد عنّي ْ**
~~ ~~ ~~

آني غلطان اشهدتلك واستحق منك عقاب ْْْ

بس حذاري إتحن عليه وتفتح ابواب العتاب ْْْ

سلمت كل امري بيدك واحكم اوصدّر كتااااب ْْْ

وإستبد ابرأيك أرضه لاتَشاور لا نِصاب ْْْ

بالكلام اشكال فنّي ْ.. ولايرق كَلبك لَوَنّي ْْ

احكم اولا تنظر ابعيني ابد ْْ

خاف تذكر بينك وبيني وعد ْْ

ولاتهم لدموعي ذنّي ْ... يلا أقبل تصد عنّي **

صورة

صورة

صورة

صوره

صوره

صوره

صورة

صوره

( اليمي ماشوفه )

اذا مجروح كَلبك انت يفلان *

انا ابكَلبي جرح ماتكَدر اتروفه *


تشوف اعيوني واتكَلي انت نعسان *

عمى اعيوني البجي واليمي ماشوفه *


معروف الدليله فقد خلّان *

يتقاسم زمانه اكَليبه بسيوفه *


وتجري آلآم عينه وفكره سرحان *

وبعيونه قصص ماظنها مألوفه *

انت هو الشيطان

أغرب عني ..

دعني وشأني ..

لم أهواك ولن أهواك...

فتبعتك إذ تطفل عقلي ..

 فتفاخرت فهل من مثلي ؟

 زيّنت لي بكذبك جهلي ..

ندمت الآن ، بكيت الآن ، وسهرت الليل باحزانِ ، قطعت بيدك أغصاني ..

 وسراب كلامك اعياني ..

أعني انت هو الشيطان !!

دعني وشأني .. دعني وشأني